कल्याण डोंबिवली दि.१८ जुलै :
भाजप नेते किरीट सोमय्या यांच्या कथित व्हिडिओप्रकरणी उद्धव ठाकरे गट अतिशय आक्रमक झालेला दिसत आहे. उद्धव ठाकरे गटाकडून राज्यात ठिकठिकाणी सोमय्या यांचा निषेध केला जात असून कल्याण डोंबिवलीतही त्याचे पडसाद उमटलेले पाहायला मिळाले. उद्धव ठाकरे गटाच्या महिला पदाधिकाऱ्यांनी कल्याण डोंबिवलीत सोमय्या यांच्याविरोधात जोडे मारो आंदोलन केले.
भाजप नेते किरीट सोमय्या यांचा कथित व्हिडिओ समोर आला असून त्यानंतर महाराष्ट्रातील राजकीय वातावरण ढवळून निघाले आहे. ऐन पावसाळी अधिवेशनाच्या पहिल्याच दिवशी हा व्हिडिओ समोर आल्याने विरोधकांच्या हाती सत्ताधाऱ्यांविरोधात आयतेच कोलीत मिळाले आहे. उद्धव ठाकरे गटाकडून राज्यात सोमय्या यांच्याविरोधात निदर्शने आणि निषेध आंदोलन केले जात आहे.
म्हणून कल्याण डोंबिवलीतही शिवसेनेच्या महिला पदाधिकाऱ्यांकडून जोरदार आंदोलन करण्यात आले. यावेळी महिला पदाधिकारी आणि कार्यकर्त्यांनी किरीट सोमय्या यांच्याविरोधात घोषणाबाजी करत त्यांच्या फोटोला जोडे मारण्यात आले. तसेच राज्य सरकारकडून किरीट सोमय्या यांच्यावर कारवाई करण्याची मागणीही यावेळी ठाकरे गटाकडून करण्यात आली.
