कल्याण दि.10 नोव्हेंबर :
कल्याण पूर्वेत महायुतीच्या उमेदवार सुलभा गायकवाड यांच्या प्रचारार्थ महायुती मेळाव्याचे आयोजन करण्यात आले होते. यावेळी खासदार श्रीकांत शिंदे यांनी कार्यकर्त्यांना मार्गदर्शन करताना अफवांना बळी पडू नका असा सल्ला दिला. ( follow the religion of grand coalition and win the candidate with massive votes – MP Shrikant Shinde’s appeal)
पक्षाचा आदेश हाच अंतिम आदेश असतो. पक्षाचा आदेश आहे महायुतीच्या उमेदवारास विजयी करायचे आहे. आवडत असेल किंवा नसेल महायुतीचा धर्म पाळून उमेदवाराला प्रचंड मतांनी विजयी करा. याविषयी कोणालाही शंका येता कामा नये असे आवाहन खासदार डॉ. श्रीकांत शिंदे यांनी कार्यकर्त्यांना केले.
कल्याण शहर प्रमुख महेश गायकवाड यांनी शिंदे गटातून बंडखोरी करत अपक्ष निवडणूक लढत आहेत .या पार्श्वभूमीवर खासदार डॉ. श्रीकांत शिंदे यांनी शिवसेना शिंदे गटाच्या पदाधिकारी कार्यकर्त्यांना मार्गदर्शन करताना वरील सल्ला देत महायुतीच्या स्थानिक नेत्यांना भाजप उमेदवार सुलभा गायकवाड यांच्या विजयाचा विश्वास दिला.
