कल्याण दि.12 नोव्हेंबर :
१४२ कल्याण पूर्व विधानसभा मतदारसंघातील महायुतीच्या उमेदवार सुलभा गणपत गायकवाड यांनी श्रीमलंगगड परिसरात प्रचार रॅली काढून मतदारांशी संवाद साधला.
मलंगगड पट्ट्यातील चिंचवली, पोसरी, म्हात्रेपाडा, शेलारपाड,चिरड, पाली, नाऱ्हेण, उसाटणे, बुर्दूल, करवले, आदिवासी पाडा, विठ्ठल वाडी, कोपऱ्याची वाडी, मलंगवाडी, श्री मलंग पहाड गडगा या गाव पाड्यात गायकवाड यांची प्रचार रॅली काढण्यात आली. ज्याला स्थानिकांकडून मोठा प्रतिसाद मिळाल्याचे दिसून आले. . या प्रचार फेरी दरम्यान उसाटणे येथील कृष्णधाम सोसायटी येथील छत्रपती शिवाजी महाराज्यांच्या पुतळ्याला पुष्पहार अर्पण करून श्री मलंग बाबांचेही दर्शन घेतले.
यावेळी भाजपा ज्येष्ठ नेते जगन्नाथ पाटील,जिल्हा उपाध्यक्ष राजेंद्र वारे, महिला मोर्चा जिल्हा उपाध्यक्षा आशा पाटील, ग्रामीण मंडळ अध्यक्ष अभिमन्यू म्हात्रे, राष्ट्रवादी काँग्रेसचे विठ्ठल वायले, अंबरनाथ विलास म्हात्रे, सुरेश पाटील, ग्रामीण महिला मोर्चा मंडळ अध्यक्षा संगीता पाटील, किसान मोर्चा अध्यक्ष अशोक साळवी, उपाध्यक्ष मंगेश पाटील, ग्रामीण युवा मोर्चा अध्यक्ष जयेश पाटील, सरचिटणीस राजेश म्हात्रे, ज्येष्ठ कार्यकर्ते प्रकाश बुवा पाटील, भगवान गायकर, गजानन भाग्यवंत तसेच महायुतीचे इतर मान्यवर पदाधिकारी कार्यकर्ते मोठ्या संख्येने सहभागी झाले होते.
