कल्याण दि.29 ऑक्टोबर :
कल्याण पश्चिम विधानसभा मतदारसंघासाठी शिवसेना उध्दव बाळासाहेब ठाकरे पक्षाचे उमेदवार सचिन बासरे यांनी आपला उमेदवारी अर्ज दाखल केला. ढोल ताशांच्या गजरात आणि मोठी रॅली काढून बासरे यांनी हा आपला उमेदवारी अर्ज भरला. यावेळी पक्षाच्या नेत्या प्रियांका चतुर्वेदी, दिनेश शेटे यांच्यासह विविध पदाधिकारी आणि कार्यकर्ते मोठ्या संख्येने उपस्थित होते.
उद्धव बाळासाहेब ठाकरे यांच्यावर विश्वास असणारा हा कल्याणकर असून सामान्य कल्याणकर आमच्या सोबत असल्याची भावना उमेदवारी अर्ज दाखल करताना सचिन बासरे यांनी व्यक्त केली. तसेच येणाऱ्या 20 तारखेला सगळे कल्याणाकर उध्दव बाळासाहेब ठाकरे यांच्या पाठीशी उभे राहून मशालीला मतदान करतील. आणि 23 तारखेला भगवा झेंडा फडकेल असा विश्वासही बासरे यांनी यावेळी व्यक्त केला.
