खासदार डॉ. श्रीकांत शिंदे यांच्या प्रयत्नांना यश
कल्याण दि.6 जून :
दावडी येथे पक्षी अभयारण्य, मलंगगड परिसर सुशोभीकरण, ऐतिहासीक दुर्गाडी किल्ल्याची डागडुजी, पावशेपाडा तलाव आणि शिवमंदिर या स्थळांसाठी २८ कोटींचा निधी उपलब्ध झाला आहे. त्यामुळे कल्याण लोकसभा मतदारसंघात पर्यटनाला चालना मिळणार आहे. यासाठी खासदार डॉ. शिंदे यांनी राज्याच्या पर्यटन विभागाकडे सातत्याने पाठपुरावा केला होता. या पाठपुराव्याला सकारात्मक प्रतिसाद दर्शवित राज्याच्या पर्यटन विभागाचे मंत्री मंगलप्रभात लोढा यांनी निधीची मंजुरी दिली आहे.
रस्ते, पाणी, सांडपाणी व्यवस्था, कचरा व्यवस्थापन या पायाभूत सुविधांसह मतदारसंघातील नागरिकांना समाधानाचे आयुष्य जगता यावे. त्यांना मनोरंजनाची साधने उपलब्ध असावीत. त्यांचा हॅप्पीनेस इंडेक्स हा वरचा असावा या हेतून कल्याण लोकसभा मतदारसंघाचे खासदार डॉ. श्रीकांत शिंदे प्रयत्नशील असतात. त्यासाठी विविध शहरात नाट्यगृह, क्रीडा संकुल, कला दालन, मंदिर परिसर सुशोभीकरण असे अनेक प्रकल्प खासदार डॉ. श्रीकांत शिंदे यांनी हाती घेतले आहेत. त्यातच कल्याण लोकसभा मतदारसंघात पर्यटन स्थळे विकसीत करण्यासाठी खासदार डॉ. शिंदे प्रयत्नशील होते.
गेल्या अनेक वर्षांपासून दुर्लक्षित राहिलेल्या श्रीमलंग गड या धार्मिक आणि पर्यटन स्थळाचकडे खासदार डॉ. शिंदे यांनी प्राधान्याने लक्ष दिले. येथे असलेले पाण्याचे दुर्भिक्ष्य संपवण्यासाठी त्यांनी पाणी योजना राबवण्यास सुरूवात केली. श्रीमलंग गडाचा पर्यटन विकासाअंतर्गत चेहरा मोहरा बदलण्यासाठी त्यांनी पर्यटन व सांस्कृतिक कार्य विभागाकडे निधीची मागणी केली होती. त्यानुसार श्री मलंगगडाच्या पर्यटनाच्या अंगाने विकास करण्यासाठी १० कोटी रूपयांचा निधी मंजूर झाला आहे. यात गडाकडे जाणाऱ्या पायऱ्या, येथे संरक्षक कठडे यांची उभारणी केली जाते आहे. या पायऱ्या काळ्या दगडात बांधल्या जात आहेत. त्याचे काम प्रगतीपथावर आहे.
कल्याण डोंबिवली महापालिका क्षेत्रातील दुर्गाडी स्थळाच्या विकासासाठी अशाच प्रकारे सुमारे पाच कोटी रूपयांचा निधी खासदार डॉ . श्रीकांत शिंदे यांनी पाठपुराव्याने प्राप्त केला. तर मतदार संघातील पावशेपाडा आणि कांबा येथील तलाव आणि शिवमंदिराच्या परिसर सुशोभिकरणासाठी तब्बल आठ कोटींचा निधी उपलब्ध करण्यात आला आहे.
राज्याच्या पर्यटन आणि सांस्कृतिक कार्य विभागाच्या वतीने डोंबिवली येथील दावडी डोंगरावर पक्षी अभयारण्य आणि जैवविविधता उद्यान विकसीत करण्यासाठी 5 कोटींच्या निधीला मंजुरी देण्यात आली आहे. खासदार डॉ. श्रीकांत शिंदे यांनी मंत्री मंगलप्रभात लोढा यांच्याकडे निधी उपलब्ध करून देण्याची मागणी केली होती. या मागणीला प्रतिसाद देत मंत्री लोढा यांनी या निधीला मंजुरी दिली आहे. त्यामुळे पर्यावरण आणि पक्षी प्रेमींच्या गेल्या अनेक वर्षांच्या मागणीला यश आले असून त्यांनी खासदार डॉ. श्रीकांत शिंदे यांचे आभार मानले आहेत.
असे असेल या निधी खर्चाचे नियोजन…
• श्रीमलंग वाडी परिसर सुशोभीकरण करणे – १० कोटी
• मौजे कांबा येथे शासकीय जागेवर असलेल्या तलावाचे सुशोभीकरण करणे तालुका – कल्याण, जिल्हा – ठाणे – निधी – ५ कोटी
• कल्याण येथील दुर्गाडी किल्ल्याचे डागडूजी करणे – ५ कोटी
• कांबा पावशेत येथील शिवमंदिर परिसर सुशोभीकरण करणे – ३ कोटी
• कल्याण तालुक्यातील डोंबिवली (दावडी) आणि भाल येथील पक्षी अभयारण्याचे सुशोभीकरण करणे – ५ कोटी
